Siunertaq

Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.

 

Imarisaa

Saqqummersitami ilaatinneqarput avammut tunisat aalisarnermik aallutaqartuninngaaneersuinnaat. Tunisassiat allat, assersuutigalugu puisininngaaneersut, savaninngaaneersut uumasunillu allaneersut saqqummersitami taamaalillutik ilaatinneqanngillat.

 

Iluarsiissuteqarneq

Una saqqummersitaq iluatsillugu januaarip 14-iani saqqummersitaq Aalisakkat avammut tunisaanerat 2021 iluarsiissuteqarfigineqarpoq. Iluarsiissut katillugu decemberimi 215 mio. kr.-inik annertuseriarnermik kinguneqarpoq. Iluarsiissuteqartariaqalerneq pissuteqarpoq, Akileraartarnermut Aqutsisoqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.

 

Avammut tunisat nalingi 25,5 pct.-imik annikilleriartut

2022-mi januaarimi avammut tunisat nalingi katillugit 205 mio. kr.-usimapput. Ukiup siulianut sanilliullugit 70 mio. kr.-inik annikinnerupput, annikilleriarnerlu katillugu 25,5 pct.-iuvoq. Eqqaamaneqassaarli kisitsisit utaqqiisaagallaq naatsorsuinerummata taamaattumillu kingusinnerusukkut iluarsiiffigineqarsinnaallutik paasissutissat tamakkiinerusut pigineqalerpata.

 

Titartagaq 1. Avammut tunisat nalingat januar, mio. kr.

 

Raajat

Raajat januar 2022-mi avammut tunisaanerisa nalingat 33,9 pct.-imik annikilleriarsimavoq, tamanna 67 mio. kr.-nik naleqarpoq. Avammut tunisat annertussusaat 26 pct.-imik apparsimavoq akillu 10,7 pct.-imik apparsimallutik.

 

Qalerallit

Qalerallit avammut tunineqartut nalingat 27,3 pct.-imik annikilleriarsimavoq, tunineqartut annertussusaat 39,9 pct.-imik annikilleriarsimasoq. Taamaalilluni kilomut akit 10,7 pct.-inik qaffassimapput.

 

Saarulliit

Saarulliit avammut tunineqartut nalingat 10,1 pct.-imik qaffariarpoq, tunineqartut kilomut akiat 28,9 pct.-inik qaffariarsimaneri pissutaalluni. Saarulliit avammut tunineqartut annertussusaat 14,6 pct.-imik apparsimavoq.

 

Titartagaq 2. Aalisakkat avammut tunisaanerat, mio. kr.

 

Najoqqutaq:  https://bank.stat.gl/IENEXPMND

 

Titartagaq 3. Aalisakkat pingaarnerit avammut tunisaanerat qaammatikkaarlugu

 

Najoqqutaq: https://bank.stat.gl/IENEXPMND

 

Titartagaq 4. Procentinngorlugu januarimi allannguutit ukiup siulianut sanilliullugit

 

Titartagaq 5. Raajat qalipallit qalipaajakkallu kilumut akiisa ineriartornerat

 

Titartagaq 6. Qalerallit suliareqqitat suliareqqitaanngitsullu kilumut akiisa ineriartornerat

 

Titartagaq 7. Saarulliit suliareqqitat suliareqqitaanngitsullu kilumut akiisa ineriartornerat